Lanons

◼ Fevriye: Sekre pour en fanmir ere. Ou kapab osi ofer Mon Liv Zistwar Labib oubyen Ador sa sel vre Bondye. Mars: Ki Labib i vreman dir? Fer bokou zefor pour konmans en letid Labib. Si sa dimoun i deza annan sa liv, bann proklanmater i kapab ofer nenport vye magazin oubyen brosir ki kapab enteres li. Avril ek Me: Latour Veyer ek Awake! Si en dimoun i demontre lentere, ofer li sa trak Eski ou ti a kontan konn Laverite? e fer bokou zefor pour konmans en letid Labib. Kan ou pe fer retourn vizit kot bann ki ti asiste Memoryal oubyen lezot levennman teokratik me ki pa pe aktivman asosye avek kongregasyon, konsantre lo konmans en letid Labib dan sa liv Ki Labib i vreman dir? Zen: Ki Labib i vreman dir? Fer bokou zefor pour konmans en letid Labib. Si sa dimoun i deza annan sa liv, bann proklanmater i kapab ofer nenport vye magazin oubyen brosir ki kapab enteres li.

◼ Memoryal pou ganny fer Zedi le 5 Avril 2012. Si ou kongregasyon i abitye fer renyon Zedi, zot devret fer laranzman pour fer li en lot zour pandan lasemenn si Lasal Rwayonm i disponib. Si Renyon Servis pa pou kapab ganny fer sa semenn, bann prezantasyon ki aplikab pour ou kongregasyon i devret ganny fer dan en lot Renyon Servis.

◼ Sa de video Young People Ask, setadir video lo How Can I Make Real Friends? ek What Will I Do With My Life?, pou ganny diskite dan Renyon Servis dan bann mwan ki pe vini. Si i neseser, ou devret fer rekomann o pli vit posib.