De pti sou

En fason ki nou siport sa travay Rwayonm ki ganny fer dan lemonn antye se kan nou kontribye finansyerman anver sa travay predikasyon. Me si nou pa sitan annan?

En fwa, Zezi ti vwar en pov vev pe met de pti sou ki napa bokou valer dan bwat kontribisyon kot tanp. Malgre “son lapovrete,” son lanmour pour Zeova ti pous li pour donn “tou sa ki i ti annan pour li viv.” (Mark 12:41-44) Zezi ti remark sa e sa i vedir ki sa ki sa madanm ti’n donnen ti annan gran valer dan lizye Zeova. Pareyman, bann Kretyen dan premye syek pa ti krwar ki sa privilez pour kontribye finansyerman ti en keksoz ki zis bann Kretyen ris ki ti fer. Zapot Pol ti sit legzanp bann Masedonyen ki menm si “zot [ti] pov, . . .  zot in sipliy nou pour donn zot privilez pour partisip dan led pour bann sen.”​—2 Kor. 8:1-4.

Alor, si nou zis kapab donn “de pti sou,” nou devret rapel ki tou bann pti kontribisyon ki ganny fer, ler ou azout zot ansanm i vin en kantite. Si nou donn avek tou nou leker, nou pou fer plezir Zeova nou Papa zenere ki dan lesyel akoz “Bondye i kontan sa ki donn avek lazwa.”​—2 Kor. 9:7.