“Annan lanmour pour tou lasosyasyon bann frer”
Sa bann parol enspire ki dan sa tit ti ganny ekrir preski de mil an pase. (1 Pyer 2:17, NW) Me nou bezwen aplik zot la konmela plis ki zanmen! Ki mannyer nou kapab kontan tou sa bann frer ek ser dan lemonn antye? Dan sa lemonn kot napa lanmour, ki mannyer nou kapab fer sir ki nou lanmour pa diminyen? (Mat. 24:12) Vwar si ou kapab reponn sa bann kestyon swivan anmezir ki ou get sa DVD Lasosyasyon mondyal nou bann frer ek ser.
(1) Kan ki nou ti formelman form parti nou lasosyasyon frer ek ser Kretyen? (2) Nonm trwa aktivite ki nou fer an komen avek nou bann frer ek ser dan lemonn antye. (3) Ki mannyer nou bann frer ek ser i demontre zot determinasyon pour prese (a) Alaska, (b) dan bann gran por Lerop, e (c) dan bann gran lafore Perou? (4) Akoz nou pa devret zanmen panse ki predikasyon i zis en travay ordiner? (5) Donn bann legzanp pour montre ki mannyer Temwen Zeova in konsol e siport kanmarad (a) apre en tranblemandter, (b) apre en siklonn, e (c) pandan lager sivil. (6) Dan ki fason pratik nou tou nou kapab demontre sa mark ki idantifye sa lasosyasyon frer ek ser Kretyen? (Zan 13:35) (7) Ki byenfe nou gannyen kan nou travay ansanm pour konstri nou prop Lasal Rwayonm? (8) Ki mannyer nou bann frer ek ser dan Les Lerop ek Larisi ti kapab reste pros avek Zeova kan zot ti anba restriksyon? (9) Ki zefor remarkab bokou Temwen i fer pour asiste bann lasanble, e akoz? (10) Ki mannyer sa DVD in ranforsi ou determinasyon (a) pour ador Zeova ansanm avek nou bann frer ek ser dan linite pandan bann renyon Kretyen, (b) pour ed bann ki pe pas dan bann moman difisil, e (c) pour kontinyen prese dan nenport ki sirkonstans e par nenport ki mwayen? (11) Ki mannyer e kan ki nou kapab servi sa DVD dan nou minister?
Se lanmour pour Zeova ki’n pous nou pour form parti sa lasosyasyon frer ek ser Kretyen. Alor nou kontan pour aprann lo li e ansenny lezot lo li, e nou kontan bann dimoun ki i kontan. Kan nou ed sa bann dimoun ki dan bezwen, nou pa ekspekte ki Zeova i remersye nou. O kontrer nou remersye li akoz nou konsider nou lasosyasyon frer ek ser Kretyen konman en kado presye sorti kot li. Anmezir bann dernyen zour sa move lemonn i ariv ver son lafen, annou kontinyen demontre lanmour pour tou lasosyasyon bann frer!