Prezantasyon

Nouvel Rwayonm No. 38

“Mon pe partaz en mesaz enportan ki pe ganny anonse dan lemonn antye. La ou kopi personnel.”

Not: Pour kapab zwenn plis dimoun avek sa mesaz, i pou pli bon si nou gard nou prezantasyon kourt. Par kont, dan serten ka sa met lakour i kapab annan lentere senser e anvi diskit en pe plis. Si sa i le ka, ou kapab demann li son lopinyon lo sa kestyon ki lo premye paz e apre lir larepons ki sorti dan Labib avek li ki dan sa trak. Ou kapab osi diskit lo en porsyon sa lenformasyon ki dan sa trak si letan i permet. Avan ou ale, fer laranzman pour retournen pour diskit lo sa kestyon anba soutit “Reflesir lo la” ki lo dernyen paz.

Latour Veyer Novanm-Desanm

“Nou pe vizit bann dimoun dan nou kominote parski bokou i demande akoz Bondye i les nou soufer. Eski ou’n deza mazin lo la? [Les sa dimoun reponn.] I enteresan pour note ki Labib i promet ki en letan pe vini kot pou nepli annan dey ek soufrans. [Lir Revelasyon 21:4.] Sa magazin i donn senk rezon akoz ki i annan sitan soufrans. I osi montre dapre Labib ki mannyer Bondye pou met en lafen avek soufrans.”

The Watchtower 1 Novanm

“Dapre ou, lekel sa pli gro mansonz ki’n ganny dir lo Bondye? [Les sa dimoun reponn.] Labib i dir ki Bondye i anvi ki dimoun i kontan li e annan konfyans dan li. [Lir Izai 41:13.] Sa magazin i devwal trwa mansonz ki’n fer li difisil pour dimoun apros avek Bondye.”

Awake! Novanm

“Nou pe fer en pti vizit akoz bokou dimoun i konsernen avek valer moral ki pe ganny afekte. Eski ou krwar ki lasosyete pe perdi son standar moral? [Les sa dimoun reponn.] Labib ti’n predir ki latitid bann dimoun ti pou sanze. [Lir 2 Timote 3:1-5.] Sa magazin i montre akoz nou kapab met konfyans dan sa bann valer moral ki trouve dan Labib.