Prezantasyon

Pour konmans letid Labib premye Sanmdi Desanm

“Nou la konman en servis piblik pour bann fanmir. Bokou paran ti a kontan ki zot zanfan i kontan Bondye. Eski ou krwar ki sa i en keksoz ki paran i devret ansenny zot zanfan oubyen zot devret les zot zanfan aprann kontan Bondye lo zot menm?” Les sa dimoun reponn. Montre li dernyen paz Latour Veyer le 1 Desanm an Angle e vwar ansanm sa premye kestyon e lir omwen en verse Labib. Ofer bann magazin e fer laranzman pour retournen pour diskit sa kestyon ki swiv.

Latour Veyer Novanm-Desanm

“Bokou dimoun i krwar dan bann lanz. Eski ou osi ou krwar dan zot? [Les sa dimoun reponn.] Konman bann kreatir envizib bann lanz i vreman pwisan, me eski ou krwar zot kapab ed nou? Labib i montre nou ki zot kapab ed bann imen ozordi.” Montre li dernyen paz Latour Veyer le Novanm-Desanm e vwar ansanm sa premye kestyon ek omwen en verse Labib. Ofer bann magazin e fer laranzman pour retournen e diskit sa kestyon ki swiv.

The Watchtower 1 Desanm

“Nou pe fer en pti vizit pour koz lo Bondye. Nou konnen ki tou dimoun i annan son prop lopinyon konsernan Bondye. Eski ou krwar ki laplipar dimoun i vwar li konman zis en lafors dan lanatir oubyen konman en zanmi ki enterese avek zot personnelman? [Les sa dimoun reponn.] Sa verse Labib i montre nou ki kalite relasyon ki Bondye ti a kontan nou annan avek li. [Lir Zak 4:8a.] Sa magazin i fer resorti trwa keksoz ki nou kapab fer pour ki nou santi nou pli pros avek Bondye.”

Awake! Desanm

“Nou pe fer en pti vizit konsernan en problenm lasante ki annan partou. Dapre Lorganizasyon Mondyal pour Lasante, maladi mantal, tel parey depresyon, pou afekte enn parmi kat dimoun a serten moman dan zot lavi. Eski ou krwar ki deplizanpli i annan plis dimoun ki pe ganny afekte avek maladi mantal? [Les sa dimoun reponn.] Labib i donn nou lespwar ki a lavenir nou pour lib kont maladi ek douler. [Lir Revelasyon 21: 3, 4.] Sa magazin i fer resorti serten keksoz ki tou dimoun i devret konnen konsernan maladi mantal.”