Zenn—Devid ou leker avek ou paran

Akoz ou devret dir ou paran sa ki ou pe panse? (Pr 23:26) Sa i akoz Zeova ki’n donn zot sa responsabilite pour pran swen avek ou e pour gid ou. (Ps 127:3, 4) I pou difisil pour zot ed ou si ou gard ou bann problenm ek lenkyetid pour ou menm. Apre osi, ou pa pou benefisye avek leksperyans ki ou paran in gannyen dan zot lavi. Eski i mal pour kit serten panse pour ou menm? Pa neseserman, me fer atansyon ki ou pa pe anbet ou paran e fer zot krwar en keksoz ki pa vre.​—Pr 3:32.

Ki mannyer ou kapab koz avek ou paran? Esey swazir en ler ki bon pour zot tou. Si sa i difisil, ou kapab ekri enn parmi zot en let pour eksprim ou santiman. Me si zot anvi koz lo en size ki ou pa anvi koz lo la? Mazinen ki zot vreman anvi ed ou. Vwar ou paran konman ou zanmi me non pa ou lennmi. Si ou fer zefor pour devid ou leker avek ou paran, ou pou ganny bokou byenfe pour leres ou lavi enkli lavi eternel.​—Pr 4:10-12.

GET SA VIDEO MON LAVI KONMAN EN ADOLESAN​—KI MANNYER MON KAPAB KOZ AVEK MON PARAN? APRE REPONN SA BANN KESTYON SWIVAN:

• 

  Ki Esther ek Partik ti rekonnet konsernan zot menm?

• 

  Ki ou kapab aprann avek legzanp Zezi?

• 

  Ki mannyer ou paran in montre ki i enterese avek ou?

• 

  Ki prensip Labib ki kapab ed ou pour koz avek ou paran?