Bann dimoun ki fidel avek Zeova i gard zot ve

Lir Ziz 11:30-40 pour vwar ki mannyer Zefta ek son fiy ti gard zot ve.

Analiz konteks. Ki mannyer bann Izraelit ki ti fidel avek Zeova ti vwar zot ve ki zot ti fer avek Zeova? (Nom. 30:2) Ki mannyer Zefta ek son fiy ti montre ki zot ti annan lafwa dan Zeova?—Ziz 11:9-11, 19-24, 36.

Rod plis detay. Ki Zefta ti pe mazinen ler i ti fer son ve? (w16.04 6 ¶12) Ki sakrifis Zefta ek son fiy ti fer pour zot kapab gard sa ve ki Zefta ti’n fer? (w16.04 6-7 ¶14-16) Ki ve bann Kretyen i kapab fer ozordi?—w17.04 6-9 ¶10-19.

Ki ou’n aprann? Demann ou lekor:

• ‘Kwa ki kapab ed mwan pour gard sa ve ki mon’n fer pour dedye mon lavi avek Zeova?’ (w20.03 13 ¶20)

• ‘Ki bann sakrifis mon kapab fer pour mon fer plis pour Zeova?’

• ‘Kwa ki kapab ed mwan pour gard mon ve maryaz?’ (Mat. 19:5, 6; Efe. 5:28-33)