Lasante fizik
Labib pa en liv medikal. Me kantmenm sa, i donn bann konsey ki kapab ed nou viv en lavi pli an bonn sante. Annou vwar serten prensip Labib ki kapab amelyor ou lasante fizik.
PRAN SWEN AVEK OU LEKOR
PRENSIP LABIB: “Napa en zonm ki’n deza ay son prop lekor, me i nouri li e pran swen avek li parey Kris i fer avek kongregasyon.”—Efezyen 5:29.
KI I VEDIR: Sa prensip Labib i ankouraz nou pour pran swen avek nou lasante fizik. En resers i montre ki rezon ki i annan en kantite problenm lasante i akoz lafason ki dimoun i swazir pour viv zot lavi. Alor, ler nou fer bon swa dan lavi, sa i kapab fer nou annan en meyer lavi.
SA KI OU KAPAB FER:
Nitrisyon. Vey byen sa ki ou manze e bwar ase delo.
Fer legzersis. Legzersis fizik i kapab amelyor ou lasante nenport ki laz ou annan, menm si ou annan en dezabilite ouswa ou pa kapab fer bokou. Menm si ou fanmir, zanmi oubyen dokter i kapab donn ou konsey e ankouraz ou pour fer legzersis, ou bezwen fer keksoz lo ou menm pour reisi amelyor ou lasante.
Dormi byen. Mank sonmey souvan, i kapab fer ou ganny bann maladi grav. En kantite dimoun pa dormi ase akoz zot swazir pour fer lezot keksoz ler ki zot sipoze pe dormi. Me ler ou swazir pour dormi byen, ou pe swazir pour annan en meyer lavi.
EVIT BANN MOVE LABITID
PRENSIP LABIB: “Annou pirifye nou avek tou sa ki sali lekor ek lespri.”—2 Korentyen 7:1.
KI I VEDIR: Nou pou annan en pli bon lasante ler nou swazir pour pa fimen, ki enn bann lakoz prensipal pour maladi ek lanmor.
SA KI OU KAPAB FER: Swazir ki zour ou pou aret fimen e mark lo ou kalandriye. Zis avan sa zour, zet ou bann sigaret, sandriye, brike ek lezot keksoz ki ou servi pour fimen. Evite al dan bann landrwa kot dimoun i fimen. Koz avek ou bann zanmi ek fanmir konsernan ou desizyon pour aret fimen, pour ki zot kapab donn ou sipor.
LEZOT PRENSIP LABIB
Ou kapab ganny en kopi Labib par kontakte en Temwen Zeova dan ou landrwa
PRAN PREKOSYON.
“Si ou konstri en nouvo lakaz, ou ava met en balistrad toultour son twa. Otreman, si en dimoun i tonbe sorti lo ou twa, ou riske responsab son lavi.”—DETERONONM 22:8.
KONTROL OU LAKOLER.
“Sa enn ki pa ankoler vitman i annan bon zizman, me sa enn ki enpasyan i montre ki i bet.”—PROVERB 14:29, NWT.
EVITE MANZ TRO BOKOU.
‘Pa frekant bann . . . ki voras.’—PROVERB 23:20.