Senm lagrenn Rwayonm

1. Vini tou serviter Zeova,

Ki’n dedye li tou zot leker.

Vini tou pour fer travay nou Met,

E mars lo lepa nou Senyer.

Pa per pour senm lagrenn laverite

Dan leker ki kapab prodwir

Sa bon fri ki anmenn louanz pour Bondye

Vre laprev ki ou travay byen dir.

2. En pe lagrenn ki ou pou senmen

Pou tonm dan bann leker ki dir.

Zot enterese o konmansman,

Me, apre, zot swiv zot dezir

Kan lemonn ek plezir, parey pikan,

Anvai e touf zot lafwa.

Serten lagrenn i pouse e port bon fri,

Se bann ki’n tonm dan bon later gra.

3. Rezilta ou gannyen dan travay,

I depan lo ou, byen souvan.

Pasyans ek lanmour pour nou prosen,

Ed zot ouver zot leker gran,

Donn zot sipor pour lit kont lafreyer,

Montre kouraz ek labonte.

Alor, rezwir danm lespwar anmas rekolt,

Trant ou san, tou depan lo Bondye.