Kantik 10
“La mon la! Anvoy mwan”
(Izai 6:8)
1. Zonm in fann repros ek laont,
Dan tou fason lo Bondye.
Enn i dir i feb e kriyel;
Lot i dir: “I pa egziste!”
Lekel ki pou defann son non,
E fer tann son louanz partou?
“Senyer, la mon la! Anvoy mwan,
Mon pou sant e glorifye ou.
(REFREN)
I en gran loner pour mwan, Senyer.
La mon la! Wi, anvoy mwan!”
2. Zonm i dir Bondye i dousman;
Ni lakrent pour li zot napa.
Zot pe ador zidol an ros,
Swazir zonm konman lerwa.
Lekel ki pou averti zot,
Ki lager Zeova i pros?
“Senyer, la mon la! Anvoy mwan,
Pour dir zot ou gran zour i pros.
(REFREN)
I en gran loner pour mwan, Senyer.
La mon la! Wi, anvoy mwan!”
3. Bann dous pe zemir dan sagren,
Akoz lemal i ogmante.
Zot rod avek leker senser
Laverite, sours vre lape.
Lekel ki pou rekonfort zot,
E pou ansenny zot ladrwatir?
“Senyer, la mon la! Anvoy mwan,
Pour ansenny zot ou ladrwatir.
(REFREN)
I en gran loner pour mwan, Senyer.
La mon la! Wi, anvoy mwan!”