Kisisa Rwayonm Bondye?
Eski ou pou dir ki i . . .
en keksoz dan ou leker?
en lekspresyon senbolik?
en gouvernman dan lesyel?
SA KI LABIB I DIR
“Bondye lesyel pou etabli en rwayonm ki pa pou zanmen ganny detrir.”—Danyel 2:44, New World Translation.
“Nou’n ganny en garson e sa gouvernman pou ganny konfye avek li.”—Izai 9:6; not.
KI SA I VEDIR POUR OU
En bon gouvernman ki kapab benefisye ou personnelman.—Izai 48:17, 18.
Lasante parfe ek lazwa dan sa nouvo lemonn.—Revelasyon 21:3, 4.
ESKI NOU VREMAN KAPAB KRWAR SA KI LABIB I DIR?
Wi, pour omwen de rezon:
Zezi ti montre sa ki Rwayonm Bondye pou akonpli. Zezi ti ansenny son bann disip pour priye ki Rwayonm Bondye i vini e ki lavolonte Bondye i ganny akonplir lo later. (Matye 6:9, 10) Zezi ti montre ki mannyer sa lapriyer pou ganny reponn.
Kan i ti lo later, Zezi ti nouri bann dimoun lafen, geri sa ki malad e resisit bann mor. (Matye 15:29-38; Zan 11:38-44) Konman sa fitir Dirizan Rwayonm Bondye, Zezi in donn en avangou lo kwa ki sa Rwayonm pou fer pour limanite.—Revelasyon 11:15.
Kondisyon sa lemonn i en laprev ki Rwayonm Bondye pou byento vini. Zezi ti predir ki zis avan sa Rwayonm pou anmenn lape lo later, i pou annan lager, lafamin ek tranblemandter.—Matye 24:3, 7.
Nou pe vwar sa bann keksoz ozordi. Alor nou kapab annan lasirans ki Rwayonm Bondye pou met en lafen avek tou sa bann problenm.
POUR REFLESIR LO LA
Ki mannyer lavi pou ete avek sa dirizan Rwayonm Bondye?
Labib i reponn sa kestyon dan PSONM 37:29 ek IZAI 65:21-23.