Lentrodiksyon Seksyon 11

Sa seksyon i entrodwir Lekritir Grek Kretyen. Zezi ti ne e grandi dan en fanmir pov ki ti reste dan en pti lavil. I ti travay avek son papa ki ti en sarpantye. Zezi ti sa enn ki ti pou sov limanite. Zeova in swazir li pour vin Lerwa dan Rwayonm lesyel. Si ou en paran, ed ou zanfan pour konpran akoz Zeova ti byen swazir dan ki lanvironnman ek fanmir ki Zezi ti ganny elve. Reflesir lo konman Zeova ti protez Zezi pour ki i pa ganny touye par Erod e lo lefet ki nanryen pa kapab anpes Zeova akonpli son plan. Koz lo ki mannyer Zeova ti swazir Zan pour prepar semen pour Zezi. Met lanfaz lo konman depi ptipti Zezi ti montre ki i kontan aprann lo Zeova.