Wi, nou Temwen Zeova!

1. Zonm i fer bann fo bondye

E inyor sa Enn ki vre.

I Bondye Tou Pwisan,

Ki’n prouv li toultan.

Zot bondye pa kapab vwar,

Ki lavenir i’n prevwar.

Zot bann Temwen i sipliy anven,

Me zot zidol pa tann nanryen.

2. Nou fyer fer konn non Bondye,

Bon nouvel son souvrennte,

Temwanny son vre grander.

Nou anons san per.

Pour ed lezot aksepte

E abandonn fo bondye.

Proklanm son non lo later antye,

Montre zot ki nou devoue.

3. Proklanm vre non nou Bondye,

Pour fer li ganny sanktifye.

Averti bann mesan

Ki blanm Tou Pwisan.

I pare pour pardonnen,

Si ver li nou retournen.

Pres son Parol i fer nou kontan,

Donn lespwar viv eternelman.