Labib i reponn

Kote Dyab i sorti?

Bondye pa ti kre Dyab. O kontrer, Bondye ti kre en lanz ki plitar ti vin Dyab, ki osi ganny apele Satan. Zezi ti deza dir ki i ti annan en letan kot Dyab ti koz laverite e ki i ti en bon lanz. Savedir, o konmansman Dyab ti en garson Bondye ki ti kontan lazistis.​—Lir Zan 8:44.

Ki mannyer en lanz i kapab vin Dyab?

Sa lanz ki ti vin Dyab ti swazir pour opoz Bondye e ankouraz sa de premye imen pour fer parey. Alor, i ti fer li menm vin Satan, ki vedir “Opozan.”​—Lir Zenez 3:1-5; Revelasyon 12:9.

Parey larestan lanz Bondye, sa enn ki ti vin Dyab ti annan liberte pour swazir ant sa ki byen ek sa ki mal, me i ti devlop sa dezir pour ganny adore. Son dezir pour ganny laglwar ti pli for ki son dezir pour fer plezir Bondye.​—Lir Matye 4:8, 9; Zak 1:13, 14.

Ki mannyer Dyab in kontinyen enfliyans imen? Eski ou devret per li? Ou kapab trouv larepons dan Labib.

Pour plis lenformasyon, vwar sapit 10 dan liv Ki Labib i vreman dir? pibliye par Temwen Zeova

[Portre lo paz 16]