LABIB I REPONN

Akoz i annan bann profesi dan Labib?

I annan bokou bann profesi byen detaye dan Labib. Napa personn ki kapab predir lavenir an detay. Alor, lakonplisman bann profesi i donn levidans konvenkan ki Labib i Parol Bondye.​—Lir Zozye 23:14; 2 Pyer 1:20, 21.

Bann profesi Labib ki’n deza ganny akonplir i donn nou en bon rezon pour annan lafwa dan Bondye. (Ebre 11:1) Zot osi donn nou sa lasirans ki bann promes Bondye dan lefitir pour vin vre. Alor, bann profesi Labib i donn nou sa vre lespwar.​—Lir Psonm 37:29; Romen 15:4.

Ki mannyer bann profesi i ed nou?

Serten profesi i averti bann serviter Bondye pour azir. Par egzanp, ler bann Kretyen dan premye syek ti vwar serten profesi ganny akonplir, zot ti kit Zerizalenm. Pli tar, kan sa lavil ti ganny detri akoz laplipar dimoun ti’n rezet Zezi, bann Kretyen ti lwen dan en landrwa kot zot ti sen e sof.​—Lir Lik 21:20-22.

Ozordi, bann profesi Labib ki’n fini ganny akonplir i montre ki Rwayonm Bondye pou byento met en lafen avek tou bann rwayonm ek gouvernman. (Danyel 2:44; Lik 21:31) Alor, i irzan ki sak dimoun i azir konmela menm pour ganny laprouvasyon sa Lerwa Zezi Kri ki Bondye in apwente.​—Lir Lik 21:34-36.

Pour plis lenformasyon vwar sapit 2 dan sa liv Ki Labib i vreman dir? pibliye par Temwen Zeova

I osi disponib lo www.jw.org

[Portre lo paz 16]

Akoz Labib i dekrir bann levennman dan nou letan?​—Lik 21:10, 11.