Eski Ou Annan Lespri Sakrifis?
1 Lapresyasyon pour sa ki Zezi Kri ti akonpli volonterman pour limanite, i devret pous nou tou pour fer bann sakrifis dan fason ki nou servi nou abilite, lenerzi ek lafors. Lekritir i enplor nou: “Prezant zot lekor koman en sakrifis vivan, sen, agreab pour Bondye, en servis sakre.” (Rom. 12:1) En egzaminasyon regilye pou ed ou pour vwar si ou pe manifeste sa kalite leta lespri, osi plennman ki ou sitiasyon personnel i permet.
2 Dan Resers Lakonnesans Biblik: Eski ou’n progranm en letan pour lir e etidye Labib regilyerman? Eski ou respekte sa progranm? Eski ou annan labitid pour prepar byen pour bann renyon kongregasyon? Si ou en sef lafanmiy, eski ou annan en letid Labib regilye avek ou fanmiy? Pour arive fer sa bann keksoz, petet i neseser sakrifye letan ki ou pase devan televizyon oubyen konpiter e osi dan bann lezot aktivite. Pourtan, kan nou realize ki pas letan avek Parol Bondye pou ed nou pour ganny lavi eternel, i paret vreman en pti sakrifis pour fer!—Zan 17:3.
3 An Ansennyan Ou Zanfan: Meyer moman pour konmans aprann fer sakrifis, i dan lanfans. Ansenny ou bann zanfan ki parey i annan en letan pour zwe, i osi annan en letan pour travay e pour bann aktivite teokratik. (Efe. 6:4) Donn zot serten louvraz itil pour fer dan lakour. Etablir en progranm ki a permet ou partisip dan minister avek zot regilyerman. Ranforsi ou lenstriksyon par ou bon legzanp.
4 Dan bann Aktivite Kongregasyon: En kongregasyon i ganny anrisir kan sak endividi i pare pour fer bann sakrifis, pour akonpli bann keksoz ki benefisye tou lezot. (Ebre 13:16) Eski i posib pour ou donn plis ou letan dan predikasyon Rwayonm e dan sa travay pour fer disip? Eski ou kapab volonterman asiste bann ki malad oubyen bann vyeyar, petet ed zot lo kote transpor pour vin renyon?
5 Avan ki i ti ofer son lavi imen koman en sakrifis final, Zezi ti konsey son bann disip pour fikse zot lizye lo lentere Rwayonm, an fezan tou lezot keksoz vin segonder dan zot lavi. (Mat. 6:33) Pourswiv en tel lespri sakrifis, pou aport nou pli gran boner pandan ki nou kontinyen servi Zeova dan lazwa.