Kwen Kestyon

◼ Lekel ki devret resevwar en badz pour lasanble trwa zour?

En badz lasanble i ede pour idantifye nou bann frer e i osi fer lavertisman sa lasanble. Sepandan, i pa devret ganny distribye an bonnavini. I idantifye sa dimoun ki met sa badz koman enn ki annan en bon repitasyon avek en serten kongregasyon Temwen Zeova.

Sa badz i annan lespas pour non sa dimoun e osi non son kongregasyon. Alor, sa dimoun i devret pe vreman asosye, dan en degre rezonnab, avek sa kongregasyon. Lasosyete i anvoy en serten kantite badz pour sak kongregasyon. I apropriye pour donn en badz sak proklanmater batize e non-batize. Bann zanfan ek lezot ki pe regilyerman asiste bann renyon e pe fer progre pour partisip dan predikasyon, i kapab resevwar enn zot osi. I pa pou byen pour donn en badz lasanble avek en dimoun ekskli.

Ler badz i arive, bann ansyen i devret verifye ki badz i ganny distribye an akor avek sa bann gidans.