“Reste Eveye”
1 Apre ki i ti dekrir bann levennman kapital ki ti pou mark bann dernyen zour sa sistenm, Zezi ti konsey son bann disip pour “reste eveye.” (Mark 13:33) Akoz ki bann Kretyen i bezwen reste eveye? Akoz nou pe viv dan letan pli riske dan listwar imen. Nou pa kapab les nou vin spirityelman sonmey. Si nou permet sa arive, nou pou manke pour byen sezi lenportans sa travay ki Zeova in donn nou pour fer, dan sa letan lafen. Ki travay nou pe koz lo la?
2 Zeova i annan son pep ki pe proklanm partou lo later, sa bon nouvel lo son Rwayonm—sel lespwar pour limanite. Kan nou travay tre pros avek lorganizasyon Bondye, sa i idantifye nou koman bann vre Kretyen ki konsyan letan ek bezwen pour ed lezot pour antann “bann parol lavi eternel.” (Zan 6:68) An partisipan avek zel dan sa travay tre enportan, nou donn levidans ki nou spirityelman eveye.
3 Motive pour Prese: Etan bann Temwen Zeova, nou devret pozitif an se ki konsern nou minister. Lanmour pour Bondye e pour nou prosen i motiv nou personnelman pour partisip dan travay predikasyon. (1 Kor. 9:16, 17) An fezan sa, nou pou sov nou menm ensi bann ki ekout nou. (1 Tim. 4:16) Annou determinen pour partisip pli regilyerman e pli bokou letan posib dan proklanmasyon sa meyer gouvernman ki limanite ti a kapab annan—Rwayonm Bondye!
4 En fe enportan i fer nou byen konpran ki nou minister i irzan—gran tribilasyon pou deklare pandan ki nou ankor pe angaze dan sa travay. Vi ki nou pa konn sa zour ek ler, alor nou bezwen reste eveye e pare toultan, an depandan lo Zeova dan lapriyer. (Efez. 6:18) Lanpler aktivite predikasyon pe kontinyen agrandir. Me byento, pli gran travay temwannyaz dan listwar imen pou atenn son pli gran moman.
5 Swiv fidelman komann Zezi pour “reste eveye.” Ozordi sa i pli kritik ki zanmen oparavan. Fotespere nou reazir avek en sans irzan. Annou reste spirityelman serye, alert, e aktif dan servis Zeova, ozordi e toulezour. Wi, i swetab ki nou “reste eveye e gard nou bon sans.”—1 Tesa. 5:6.