Eski ou manz byen spirityelman?
1 I annan en proverb ki dir ki ‘nou lasante fizik i ganny afekte par sa ki nou manze.’ San okenn dout, nou lafors fizik ek nou lasante i ganny afekte par sa ki nou manze. Lefe ki Zezi ti dir: “Zonm pa viv zis lo dipen tousel me lo tou parol ki sorti dan labous Bondye,” fason ki nou manze lo plan spirityel i afekte nou swa an byen swa an mal. (Mat. 4:4). Alor, eski ou pe manz byen spirityelman? Eski ou en dimoun ki pa toultan satisfe avek sa ki ou manze? Eski ou depese ler ou manze? Oubyen eski ou kontan pran letan pour rezwir en nouritir spirityel balanse e nourisan?
2 Analiz sa ki ou manze: Zeova i fourni “manze kan i ler” ek “en festen avek bann nouritir ris an lwil,” atraver “lesklav fidel e pridan.” (Mat. 24:45, NW; Iza. 25:6) Pour benefisye plennman avek sa bann provizyon ki’n ganny fourni avek lanmour, nou bezwen fer zefor pour manz byen spirityelman.
3 Petet ou kapab demande: ‘Eski mon lir teks pour lazournen ek bann komanter sak zour? Eski toulezour mon lir e medit lo Labib? Eski mon prepar bann renyon kongregasyon par etidye sa lenformasyon davans? Eski mon’n lir bann dernyen piblikasyon, enkli tou le de volim La prophétie d’Isaïe, lumière pour tous les humains?’
4 Zezi ti promet: “Ere bann ki konsyan zot bezwen spirityel . . . Byennere bann ki lafen e swaf lazistis, zot pou rasazye.” (Mat. 5:3, NW, 6) Alor manz byen spirityelman par ranpli ou lespri ek leker avek konnesans Bondye.