Ed lezot pour glorifye Zeova
1 En mesaz enportan pe ganny proklanmen avek bann dimoun partou lo later: “Donn Bondye loner e rann li glwar, parski ler son zizman in arive. Ador sa Enn ki’n fer lesyel, later, lanmer ek bann sours delo!” (Rev. 14:6, 7) I nou privilez pour partisip dan proklanmasyon sa mesaz. Ki bann dimoun i devret konnen lo Zeova pour kapab annan lakrent pour li e ador li?
2 Son Non: Parmi sa kantite bondye ki ganny adore ozordi, bann dimoun i bezwen kapab disteng sa sel vre Bondye par son non. (Det. 4:35; 1 Kor. 8:5, 6) Annefe, bann ekriven Labib i servi son gran non plis ki 7,000 fwa. I vre ki nou devret servi bon zizman kan nou pe entrodwir non Bondye, me nou pa devret zanmen kasyet li oubyen refize pour servi li. Lavolonte Bondye i ki tou imen i arive konn son non.—Ps. 83:18.
3 Son Personnalite: Pour glorifye Zeova, dimoun i bezwen konnen ki kalite Bondye i ete. Nou bezwen fer zot konn son gran lanmour, lasazes remarkab, lazistis parfe, ek pwisans enpresyonan, osi son mizerikord, labonte leker, ek lezot kalite merveye. (Egz. 34:6, 7) Zot bezwen osi aprann pour annan en lakrent ki pou benefisye zot, osi en gran respe pour Bondye, e rekonnet ki zot lavi i depan lo laprouvasyon Zeova.—Ps. 89:7.
4 Apros avek Bondye: Pour kapab ganny sove zour zizman Bondye ki pe aprose, bann dimoun i bezwen envok Zeova avek lafwa. (Rom. 10:13, 14; 2 Tesa. 1:8) Sa i enkli plis ki zis ganny en konnesans lo son non ek son bann kalite. Nou bezwen ed bann dimoun devlop en relasyon personnel avek Zeova, e met zot konfyans dan li avek tou zot leker. (Prov. 3:5, 6) Anmezir ki zot aplik sa ki zot in aprann, tourn ver Bondye senserman dan lapriyer, e eksperyans son led dan zot lavi, alor zot lafwa pou agrandir, e sa pou ed zot pour apros avek Bondye.—Ps. 34:8.
5 Fotespere ki nou deklar non Bondye avek devouman, e ed lezot pour met zot konfyans total dan li e pour annan lakrent pour li. Nou ava kapab alor ed bokou plis lezot pour konn Zeova e glorifye li konman zot “Bondye delivrans.”—Ps. 25:5.