Lasanble Distrik i motiv nou pour mars avek Bondye
Pa sa Lasanble Distrik “Mars avek Bondye” in fer resorti sa lenstriksyon kler sorti kot Zeova: “La sa semen. Mars lo la”! (Iza. 30:21) Kan nou aplik bann lenstriksyon ki nou gannyen, sa pou ed nou ‘fer byen atansyon ki mannyer nou marse.’ (Efe. 5:15) Kan nou reflesir lo sa ki nou’n aprann sa pou ed nou anmenmtan ki nou mars “dan laverite.”—3 Zan 3.
Par servi sa bann kestyon swivan avek ou bann not ki ou ti pran, sa pou ed ou prepar e partisip dan revizyon pour progranm lasanble sa lannen. Revizyon pou ganny fer dan Renyon Servis pandan semenn le 18 Oktob.
1. Ki mannyer Enok ti kapab mars avek Bondye menm si i ti viv dan bann letan difisil? (Ebr. 11:1, 5, 6; Zid 14, 15; “Mars avek Bondye dan Letan difisil”)
2. Dan ki laspe nou lavi sa prensip dan Lik 16:10 i kapab aplike? (“Eski ou ‘fidel dan bann pti Keksoz’?”)
3. (a) Nonm kat keksoz pratik dan Osea sapit 6 ziska sapit 9 ki pou ed nou mars avek Bondye. (Ose. 6:6, 7; 7:14; 8:7) (b) Ki bann lezot pwen dan Osea sapit 10 ziska 14 ki ed nou mars avek Bondye? (“Profesi Osea i ed nou mars avek Bondye”—Diskour an trwa parti)
4. Ki bann keksoz pratik bann madanm ek zonm Kretyen i kapab fer pour gard zot maryaz solid? (Prov. 12:4; Efe. 5:29; “Sa ki Bondye in ‘ini ansanm Zonm pa devre separe’”)
5. Ki mannyer nou montre respe pour nou rasanbleman sakre? (Ekle. 5:1; Iza. 66:23; “Montre Respe pour nou Rasanbleman sakre”)
6. (a) Ki trwa laspe enportan dan nou predikasyon nou devret analize pour fer sir ki nou pe partisip plennman dan sa travay? (Iza. 52:7; Zeka. 8:23; Mark 6:34) (b) Ki parti dan sa piblikasyon Good News for People of All Nations ki ou vwar i vreman efikas? (“Bon Nouvel pour Dimoun tou Nasyon”; “Ed bann ki koz en lot Langaz”)
7. Ki mannyer nou kapab ed bann nouvo pour annan konfyans dan zot lekor pour pres sa mesaz Rwayonm? (Ziz 7:17; “Ed bokou Dimoun pour zwenn nou dan Predikasyon”)
8. Ki mannyer nou demontre konviksyon “ki gran zour Zeova i pros”? (Tsef. 1:14; “Mars dan Lafwa, non pa avek nou prop Lizye”)
9. (a) Ki degre serye i ete pour fer nou oubyen lezot tonbe? (Mark 9:42-48) (b) Ki mannyer nou kapab anpes nou tonbe? (Ps. 119:165) (c) Ki mannyer nou kapab evite fer lezot tonbe? (1 Kor. 10:24; “Evit ‘okenn Keksoz ki kapab fer tonbe Lezot’”)
10. Ki mannyer nou kapab ekilibre ler nou pe rod en dimoun pour marye, bon lasante e kan nou pe fer biznes? (Ps. 26:4; Mat. 6:25; 1 Tim. 6:9; “Reste konpletman dan ou bon Sans”)
11. (a) Kwa ki remarkab avek sa bann lokazyon ki Zezi ti pas bann bon moman avek lezot? (Lik 10:42; 24:32) (b) Ki mannyer nou kapab fer bann aktivite dan en fason ki nou ek lezot i trouv soulazman? (1 Kor. 10:31-33; “Bann bon Aktivite ki anmenn Soulazman”)
12. Dapre Psonm 23, ki benediksyon nou gannyen konman mouton Zeova, e ki nou responsabilite? (1 Kor. 10:21; “Zeova i mon Berze”)
13. Ki mannyer bann Kretyen i ekout sa konsey enspire pour ‘servi byen tou bann lokazyon ki prezant devan zot’? (Efe. 5:16; “Servi byen sa Letan ki nou annan”)
14. (a) Ki i enplike dan sa ‘ler zizman’ ki’n ganny mansyonnen dan Revelasyon 14:7? (b) Ki mannyer nou donn levidans ki nou vreman separe avek bann fo larelizyon? (“‘Kontinyen veye’—Ler Zizman in arive”) (c) Ki bann pwen ou’n apresye dan sa brosir Kontinyen Veye?
15. Nonm trwa kalite ki nou bezwen pour anpes nou “abandonn vre semen.” (2 Pyer 2:15; “Veye pour pa ‘abandonn vre Semen’”)
16. Ki mannyer bann zenn i kapab rezet “semen bann mesan”? (Prov. 4:14; “Zenn—Mars dan Semen Ladrwatir”)
17. (a) Dan ki fason Pol ti en legzanp landirans? (Akt 14:19, 20; 16:25-33) (b) Akoz nou pa devret per bann ki opoz vre ladorasyon? (Dram ek diskour, “Rann Temwannyaz oprofon ozordi malgre Lopozisyon”)
18. Ki benediksyon bann ki mars avek Bondye i gannyen? (“Mars avek Bondye i anmenn Benediksyon konmela menm e pour Touzour”)
Fotespere ki nou determinen pour ekout sa ‘parol deryer nou,’ pour ki nou mars avek nou Papa dan lesyel pour touzour.—Iza. 30:21; Zan 3:36.