Ki pour dir lo bann Magazin

Awake! 22 Des.

“Eski ou’n remarke ki deplizanpli dimoun i met bokou plis lanfaz lo zot laparans? [Les sa dimoun reponn.] Sa magazin i diskit serten danze ki i annan letan en dimoun i tro konsernen avek labote. I osi demontre valer sa kalite labote ki pli enportan.” Lir 1 Pyer 3:3, 4.

The Watchtower 1 Zan.

“Mazorite larelizyon i ansennyen ki nou bezwen kontan nou prosen. [Lir Matye 22:39.] Me akoz ou krwar ki bokou lager ek konfli dan lemonn i annan keksoz pour fer avek larelizyon? [Les sa dimoun reponn.] Sa magazin i egzamin sa kestyon, Eski larelizyon i kapab ini bann imen?”

Awake! 8 Zan.

“Konman ou ti pou reponn sa kestyon? [Lir kestyon lo kouvertir. Apre les sa dimoun reponn.] Bann resours later pe diminyen dan en fason enkyetan. Toudmenm, get ki mannyer sa promes i reasir nou. [Lir Psonm 104:5.] Sa magazin i eksplike ki mannyer later pou sanze byento.”

The Watchtower 15 Zan.

“Nou tou nou ti a kontan en meyer lavi pour nou e pour nou zanfan. Me bokou i santi zot napa sa pouvwar pour fer sa arive. Eski ou krwar nou annan kontrol lo nou lavenir? [Les sa dimoun reponn.] Sa magazin i montre ki nou annan en serten kapasite me ki nou lavenir i depan lo swa ki nou fer la konmela.” Lir Deterononm 30:19.