Konman nou kapab ede?
1 Sa kestyon “Konman nou kapab ede?” i souvan ganny demande par bann Temwen Zeova ler zot tann konsernan en dezas ki’n arive dan serten parti lemonn. Parey sa resi dan Akt 11:27-30 i montre, bann Kretyen premye syek ti anvoy en kontribisyon pour bann frer ki ti pe reste dan Zide akoz ti annan en lafamin laba.
2 Dan nou letan, nou’n fer bann laranzman ki permet larzan ganny servi pour bann proze saritab e pour donn led bann ki pe soufer avek dezas natirel oubyen dezas koze par imen e dan lezot moman ki zot dan bezwen.
3 Par egzanp lannen pase, bokou frer ek ser ti kontribye pour ed bann ki ti’n ganny afekte avek tsounami dan Sid Lazi. Sa fason kontribye anver fon led sekour lorganizasyon ki ti ganny fer avek senserite, ti vreman ganny apresye. Me dan serten pei i neseser ki bann kontribisyon ki’n ganny spesifye pour en serten dezas, i ganny servi pour sa dezas, menm si bann frer ek ser in fini ganny led.
4 Pour sa rezon, nou ganny ankouraze pour fer bann kontribisyon pour led imaniter atraver sa fon pour travay mondyal. Sa fon i ganny servi pour led sekour ensi ki pour amelyor bezwen spirityel bann frer ek ser. Si pour serten rezon en dimoun i swete fer en kontribisyon separe avek bann kontribisyon pour sa travay mondyal, son kontribisyon pou ganny aksepte e ganny servi si i annan bezwen pour led. Me i ti a preferab si bann tel kontribisyon pa ganny spesifye kote e konman i pou ganny servi.
5 Si lamazorite nou kontribisyon i al dan fon pour travay mondyal, sa i permet plis larzan disponib pour servi an rapor avek tou laspe travay Rwayonm olye ki ganny rezerve zis pour bann led sekour dan lavenir. Sa i an armoni avek Efezyen 4:16, ki nou travay ansanm pour donn sa ki neseser, pour ki “lekor antye i grandi e devlope par lanmour.”