Bann Rapel pour Memoryal

Komemorasyon Memoryal sa lannen i tonm Merkredi le 12 Avril. Bann ansyen i devret port latansyon lo sa bann keksoz swivan.

◼ Kan ler renyon i ganny fikse, fer sir ki bann lanblenm pa ganny pase avan soley kouse.

◼ Tou dimoun, enkli orater, i devret ganny enformen ler egzakt ek landrwa kot Memoryal pou ganny obzerve.

◼ Dipen ek diven apropriye i devret ganny prevwar e prepare.—Vwar Latour Veyer le 1 Mars, 2003, p. 10-11.

◼ Bann lasyet, ver, ek en latab konvenab ek son tapi, i devret ganny anmennen kot sa lasal e met an plas davans.

◼ Lasal Rwayonm oubyen lezot landrwa kot renyon pou ganny fer i devret ganny byen netwaye davans.

◼ Bann ki pou dan servis lakey ek bann ki pou pas lanblenm, i devret ganny swazir e enstri davans konsernan zot responsabilite, bann prosedir ki korek, e osi konsernan nesesite pour annan en laparans respektab.

◼ Laranzman i devret ganny fer pour servi bann Kretyen swazir ki malad e ki pa kapab prezan sa zour.

◼ Si dapre progranm, i annan plis ki en kongregasyon ki pou servi menm Lasal Rwayonm, i devret annan bon lorganizasyon ant bann kongregasyon pour ki nou evite ankonbre dan larantre, lo trotwar piblik, e dan parking.