Eski ou demande si i annan lezot ki enterese?

Si ou pe deza kondwir en letid Labib, akoz ou pa demann sa etidyan si okenn son bann zanmi, fanmiy, oubyen lezot dimoun ki i konnen ti pou kontan aprann Labib? Sa etidyan i kapab petet mansyonn ennde non. Avek son permisyon, ou kapab mansyonn son non kan ou vizit sa bann dimoun pour ofer zot letid Labib. Ou kapab dir, “[Non sa etidyan] in kontan pour etidye Labib, e i mazinen ou osi ou ti pou kontan pour benefisye avek en letid Labib gratwit.” Apre demontre an bref konman sa letid pou ganny fer, par servi liv Ki Labib i dir.

Si ou annan en etidyan ki pe byen progrese, ou kapab ankouraz li pour eksplik laranzman letid avek son bann zanmi ek fanmiy ki kapab enterese. I kapab envit zot pour asiste son letid. Oubyen si i pa posib, i kapab fer laranzman pour ou al kot zot e demontre konman fer letid. Sa pou ankouraz sa etidyan pour konmans partaz son konnesans avek lezot.

Ou bann retourn vizit osi i kapab donn ou non bann dimoun ki enterese, menm si zot zot menm zot pa ankor aksepte pour etidye Labib. Kan ou ofer zot en kopi sa liv Ki Labib i dir, ou kapab demande, “Eski ou konn okenn dimoun ki ou ti a kontan i ganny enn sa liv?”

Vi ki letan ki nou pe viv ladan i kourt, nou anvi servi tou mwayen posib pour ed dimoun tann e aksepte sa bon nouvel. Eski ou demande si i annan lezot ki enterese?