Konstriksyon Lasal Rwayonm—En Laspe enportan Servis sakre
1. Kwa ki’n ganny fer pour konstri bann Lasal Rwayonm, me ki bezwen ganny fer ankor?
1 Pandan sa senk dernyen lannen, kat nouvo Lasal Rwayonm in ganny konstri, e wit in ganny repare dan rezyon biro brans Moris. Lekip konstriksyon, Komite Konstriksyon Rezyonal ek bann ki’n asiste zot in fer en bon travay. Nou vreman apresye sa gran travay ki zot in fer! Menm si i annan en gran kantite travay ki’n ganny fer, i annan ankor en kantite pour fer pour kapab konstri bann Lasal Rwayonm. Konman nou tou nou kapab siport sa laspe enportan dan nou servis pour Zeova?—Rev. 7:15.
2. Ki mannyer nou kapab siport konstriksyon bann Lasal Rwayonm direkteman?
2 Ofer ou Lekor: Si ou en proklanmater batize, nou envit ou pour ofer ou lekor pour travay avek lekip konstriksyon bann Lasal Rwayonm par ranpli en Demande d’admission au programme des volontaires pour la construction des Salles du Royaume (A-25). (Ps. 110:3) Tou bann ki volonter i devret pare pour travay e zot devret korpere. (Ps. 133:1) Menm si ou napa serten skil dan konstriksyon, ou kapab kontribye en kantite pour fer en proze reisi. Ou pou kapab ganny formasyon ki pou fer ou vin pli itil dan lavenir.
3. Ki lezot fason nou kapab montre ki nou siport en proze konstriksyon?
3 Si ou pa kapab volonter, ou kapab montre ki ou siport sa ki pou ganny fer par ankouraz lezot ki kapab pour partisipe. Ou kapab donn lanmen akonpli responsabilite dan kongregasyon bann ki’n al ede avek konstriksyon. Par fer plan davans, bann ansyen i kapab asire ki tou keksoz dan kongregasyon pe mars byen ler serten pe travay lo proze konstriksyon. Nou asire ki Zeova i kontan ler nou travay ansanm dan linite pour fer avanse bann lentere Rwayonm.—Ebr. 13:16.
4. Ki mannyer nou kapab ankouraz bann ki pe partisip dan bann proze konstriksyon Lasal Rwayonm?
4 Ankouraz lezot: I demann bokou letan ek zefor pour konstri bann landrwa ladorasyon. Pour sa rezon alor, bann ki ganny envite pour ede dan bann proze konstriksyon pa pou dan zot kongregasyon parler. Annou pa ezite pour felisit e ankouraz bann ki volonter, ki pe fer sakrifis pour akonpli “sa responsabilite” enportan.—Akt 6:3; Rom. 14:19.
5. Ki mannyer bann volonter i kapab montre ki zot rezonnab?
5 Rezonnab: Predikasyon Rwayonm i keksoz pli enportan dan nou ladorasyon. (Mark 13:10) Avek sa antet, Biro Konstriksyon Lasal Rwayonm i fer zefor pour plàn bann proze dan en fason ki bann volonter pa bezwen kit zot kongregasyon san okenn rezon. Bann ki pe travay konman volonter zot osi zot fer zefor pour rezonnab ler zot pe akonpli zot bann responsabilite. Zot fer bann laranzman neseser pour fer sir ki zot responsabilite dan kongregasyon i ganny akonpli ler zot pa la.
6. Kwa ki ganny akonpli ler tou dimoun dan kongregasyon i korpere pour fer avanse vre ladorasyon?
6 Zapot Pol ti dir ki bann manm dan kongregasyon i fer ‘lekor antye grandi e devlope par lanmour’ ler zot travay ansanm dan linite. (Efe. 4:16) Lanmour ki nou annan pour Zeova e pour vre ladorasyon pou pous nou pour korpere ansanm pour pres sa bon nouvel e pour siport konstriksyon Lasal Rwayonm.