Revelation—Its Grand Climax At Hand!
1 “Byennere, sa enn ki lir bann parol sa profesi e byennere bann ki ekout e obei sa ki i’n ekri ladan. Parski letan i pros pour sa bann keksoz realize.” (Rev. 1:3) Sa bann parol i met lanfaz lo valer sa liv Revelasyon, sirtou ki nou pe viv dan letan kot en kantite son bann profesi pou ganny akonpli. I tonm byen nou pou etidye sa liv Revelation—Its Grand Climax At Hand! dan Letid Liv Kongregasyon apartir le 8 Zanvye, 2007.
2 Depi dernyen fwa ki nou ti etidye sa liv Revelation Climax dan Letid Liv Kongregasyon, bann levennman dan lemonn in sanze dan en kantite fason. (1 Kor. 7:31) Deplis, bokou ki’n vin zwenn avek sa bann ki pe pres sa bon nouvel Rwayonm, zot pa’n zanmen ganny sa loportinite pour benefisye en letid verse par verse sa liv Revelation Climax. Etidye sa liv Revelation Climax pou ed nou tou pour reste eveye pour vey bann levennman ki pou arive byento.—Rev. 16:15.
3 Fer li ou lobzektif pour prezan sak semenn. Sa liv letid pa pou zis ed nou pour reste eveye, me osi sa mesaz ki Zezi ti kit avek sa set kongregasyon pou ed nou evit bann sitiasyon ek sirkonstans ki kapab annan en move lenfliyans lo nou spirityalite ek predikasyon.—Rev. 1:11, 19.
4 Prepar byen: Avan sak letid liv, lir sa bann verse ki pou ganny egzaminen dan sa liv Revelasyon. Port latansyon lo bann rezonnman baze lo Labib ki pe eksplik sa verse. Fer zefor pour konpran pour ki ou leker i ganny touse. (Nee. 8:8, 12) Pran letan pour reflesir e demann ou lekor: ‘Ki sa pe dir mwan lo Zeova e ki mannyer i pou byen akonpli son plan? Ki mannyer mon kapab azir an armoni avek son plan e ed lezot?’
5 Katreven douz an in pase depi ki “zour Senyer” in konmanse an 1914. (Rev. 1:10) Bann levennman sokan ki’n ganny predir dan sa liv Revelasyon i pros pour ganny realize. Letid sa liv Revelation Climax pou rafresir nou leker ek nou lespri e ranforsi nou lafwa ki “sa gran zour Bondye Toupisan” ek sa nouvo lemonn i pros.—Rev. 16:14; 21:4, 5.