Ki pour dir lo bann Magazin

Awake! Zan.

“Eski ou’n remarke bokou ki pretann dir ki zot Kretyen pa swiv lansennyman Zezi? [Les sa dimoun reponn.] Par egzanp, pa bokou ki swiv parol Zezi ki nou vwar la. [Lir Zan 13:35.] Sa lartik i egzamin diferans ant sa ki Zezi ti ansennyen ek lopinyon bokou ki pretann dir ki zot Kretyen.” Vwar sa lartik ki konmans lo paz 18.

Latour Veyer 1 Fev.

“Eski ou krwar ki nou kominote ti pou en pli bon landrwa si tou dimoun ti viv dapre sa parol? [Lir Efezyen 4:25. Apre les sa dimoun reponn.] Bokou dimoun i mazinen ki koz lalang i akseptab dan serten sitiasyon. Sa magazin i eksplik bann byenfe pour toultan koz laverite.”

Awake! Fev.

“I paret ki latitid dimoun anver larelizyon pe sanze dan serten kominote. Eski ou krwar ki bann legliz i annan mwens lenfliyans lo dimoun? [Les sa dimoun reponn.] Sa bann parol zapot Pol i donn nou en rezon akoz serten in perdi konfyans dan larelizyon. [Lir Akt 20:29, 30.] Sa magazin i montre nou ki Labib i dir pour arive avek larelizyon Kretyen alavenir.”

The Watchtower 15 Fev.

“Serten dimoun i santi ki zonm pe detri later. Eski sa i trakas ou? [Les sa dimoun reponn] Remarke ki mannyer sa promes i reasir nou. [Lir Revelasyon 11:18.] Sa magazin i eksplik nou kwa ki fer sa plannet inik. I osi montre ki Labib i dir lo sa ki pou arive avek later alavenir.”