Ki pour dir lo bann magazin

Awake! Okt.

“Nou tou nou’n perdi en dimoun ki nou kontan dan lanmor. Eski ou krwar ki zot pe vey lo nou anler dan lesyel? [Les sa dimoun reponn.] Remarke ki Zezi ti dir kan Lazar ti mor. [Lir Zan 11:11.] Sa lartik i eksplike si vreman en dimoun ki’n mor i vivan kekpar ouswa si i pe dormi anmezir zot esper rezireksyon.” Montre li sa lartik ki konmans lo paz 28.

Latour Veyer 1 Nov.

“Eski ou krwar ki lemonn ti pou en landrwa pli meyer si tou dimoun ti demontre limilite? [Les sa dimoun reponn.] Remarke ki Zezi ti dir konsernan sa kalite. [Lir Matye 23:12.] Sa lartik i diskit valer ki i annan pour kiltiv limilite, menm dan sa lemonn kot i annan bokou konpetisyon.”

Awake! Nov.

“Dan letan pase, bann dimoun ti toultan servi Labib pour gid zot. Me konmela bokou i dir ki zot annan dout. Ki mannyer ou santi anver sa ou? [Les sa dimoun reponn. Apre lir 2 Timote 3:16.] Sa Awake! spesyal i donn bann bon levidans ki montre ki vreman Labib in ganny enspire par Bondye.”

The Watchtower 15 Nov.

“Nou tou nou anvi viv en lavi ere e ki annan en bi. Eski ou dakor avek sa parol ki Zezi ti dir konsernan sa lakle pour en dimoun viv ere? [Lir Matye 5:3. Les sa dimoun reponn.] Sa magazin i eksplike ki mannyer ler nou satisfer nou dezir pour ador Bondye i donn nou lavi en vre sans.”