Ki pour dir lo bann magazin

Watchtower 1 Zen

“Enn parmi bann zistwar pli renonmen dan Labib i sa enn ki koz lo Noe ek Deliz. Eski ou krwar ki ti vreman annan en Deliz? [Les sa dimoun reponn.] I enteresan pour vwar ki Zezi ti refer avek sa levennman konman enn ki’n vreman arive. [Lir Lik 17:26, 27.] Sa magazin i donn nou rezon pour krwar ki sa resi konsernan Deliz in vreman arive e i eksplik sa leson enportan ki nou kapab tire.”

Awake! Zen

“I en defi pour elve zanfan, espesyalman kan en zanfan i vin adolesan e eksperyans bann gran sanzman. Kote ou mazinen bann paran i kapab ganny konsey ki zot kapab depan lo la? [Les sa dimoun reponn. Apre lir Izai 48:17, 18.] Sa magazin i donn bann sizesyon ki aplikab pour nou letan pour ed bann paran azir avek lasazes ek konprenezon.”

Watchtower 1 Zen

“Eski ou krwar Bondye i aksepte tou larelizyon? [Les sa dimoun reponn.] I enteresan pour vwar konman Bondye ti reazir kan ansyen pep Izrael ti adopte pratik relizye bann nasyon ki ti dan zot zalantour. [Lir Ezekyel 6:6.] Sa lartik i reponn sa kestyon, ‘Eski i enportan lafason ki nou ador Bondye?’” Montre sa lartik ki konmans lo paz 9.

Awake! Zen

“San dout, ou pou dakor ki laz ladolesans i prezant en defi espesyalman pour bann adolesan ek zot paran. Eski ou krwar ki sa bann konsey swivan i kapab ed bann paran amelyor zot abilite pour fer fas avek sa defi? [Lir Zak 1:19. Apre les sa dimoun reponn.] Dan sa magazin ou pou apresye sa bann sizesyon pratik ki sorti dan Labib.”