Eski ou pe servi liv Reasoning?
1. Ki mannyer zapot Pol ek Zezi ti ansenny lezot?
1 Zapot Pol ti fer bokou zefor pour ‘rezonn lo Lekritir.’ (Akt 17:2, 3; 18:19) Kan i ti fer sa, i ti pe imit Zezi ki plizyer fwa ti sit Lekritir e servi bann legzanp pour ed bann ki ti ekout li konpran lavolonte Bondye. (Mat. 12:1-12) Sa liv Reasoning From the Scriptures (Angle/Franse) in ganny fer pour ed nou fer parey.
2. Konman nou kapab servi sa liv Reasoning pour prepar bann lentrodiksyon ki efikas?
2 Prepar lentrodiksyon ki efikas: Sa liv Reasoning From the Scriptures i annan bann lentrodiksyon ki kapab fer dimoun anvi ekout nou. Ou kapab vwar zot lo paz 9-15. Si ou aprann e servi diferan lentrodiksyon, sa pou anmenn varyete dan ou minister e ou pou vin pli kalipa e efikas dan lafason ki ou konmans konversasyon. Sa pou sirtou leka si ou kouver ou teritwar souvan. Kan ou pe rann temwannyaz par telefonn oubyen par sistenm mikrofonn kot bann batiman ki annan en sekirite o nivo, ou kapab lir sa bann lentrodiksyon direkteman dan liv.
3. Ki nou kapab trouve lo paz 16-24 dan liv Reasoning ki pou ed nou dan nou minister?
3 Sirmont lobzeksyon: Akoz byen davans ou pa mazin lo bann lobzeksyon ki ou kapab rankontre dan ou teritwar e pran enn de minit avan ou konmans prese pour repas lo paz 16-21 pour vwar ki larepons ou kapab donnen? Eski i kapab ki serten dimoun ki ou pou zwenn kot lakour i Boudis, Endou, Zwif oubyen Mizilman? Si i leka, bann lenformasyon lo paz 21-24 pou byen itil.
4. Ki mannyer nou kapab servi sa liv Reasoning kan dimoun i soulev en kestyon oubyen en size kontrovers?
4 Reponn kestyon: Sa liv Reasoning i osi kapab ed nou kan en dimoun i demann en kestyon oubyen soulev en size ki kontrovers. Ou kapab zis dir sa dimoun ki ou ti a kontan montre li en keksoz enteresan lo sa size, epi zis tir ou liv Reasoning. Vi ki sa bann size in ganny ekrir dapre lord alfabet, rod sa mo kle ki ou krwar pou annan sa lenformasyon ki ou bezwen. Apre, vitman get bann kestyon ki’n ganny ekrir an gro lekritir nwanr. Si ou pe tarde pour vwar sa ki ou pe rode, al dan lendeks ki trouve ver lafen sa liv. O moman ki ou vwar sa lenformasyon ki al byen avek sa ki ou oule fer resorti, lir direkteman dan sa liv. Si ou pe diskit lo en verse Labib spesifik, ou kapab vwar sa ki ou bezwen lo paz 445 anba tit: “Scriptures Often Misapplied.”
5. Nonm lezot fason ki sa liv Reasoning i kapab byen ganny servi.
5 Lezot fason pour servi sa liv: Serten i kit en kopi liv Reasoning dan landrwa kot zot travay oubyen kot lekol pour ed zot reponn bann kestyon parey: ‘Akoz zot pa selebre bann lafet?’ Bann zenn in vwar ki lenformasyon anba sa tit “Creation” ek “Evolution” i ede kan zot pe fer bann proze pour lekol. Eski ou pe al vizit en dimoun ki malad oubyen enn ki’n perdi en dimoun ki i kontan? Bann lenformasyon anba sa tit “Encouragement” i kapab ed ou pour servi Labib pour rekonfort sa dimoun. Dan liv Reasoning i osi annan bann lenformasyon ki kapab ed sa bann ki fer diskour e kondwir renyon predikasyon.
6. Avek ki bi nou al prese?
6 Nou pa al prese avek bi pour nou argimante ziska ler nou gannyen e pa osi avek bi pour zis pas lenformasyon. Nou anvi byen rezonn avek dimoun dapre Lekritir. Anmezir ki nou byen servi liv Reasoning, nou montre ki nou pe toultan fer byen atansyon avek nou lansennyman.—1 Tim. 4:16.