“Reste dan lanmour Bondye”
1.Pour ki rezon sa liv “Reste dan lanmour Bondye” in ganny fer?
1 Pa nou pe vreman esper avek enpasyans pour konmans etidye sa nouvo liv “Reste dan lanmour Bondye” dan Letid Labib Kongregasyon ki pou konmans semenn le 23 Fevriye! Sa let ki Konsey Direkter ti ekrir pour tou sa bann ki kontan Zeova, ti fini koumsa: “Nou senserman swete ki sa liv pou ed ou kontinyen viv annakor avek laverite e an retour reste dan ‘lanmour Bondye, an atandan . . . lavi eternel.’—Zid 21.”
2.Dan ki laspe nou lavi sa nouvo liv pou ed nou?
2 Ki nou pou diskit lo la: Ki mannyer bann prensip Labib i aplikab dan bann domenn parey frekantasyon, divertisman, respe pour lotorite, labitid personnel, maryaz, nou parol ek koutim? Nou konsyans pou ganny formen dapre bann standar ladrwatir Zeova ki o nivo, ki trouve dan Labib. (Ps. 19:7, 8) Anmezir ki nou pli byen konpran lafason ki Zeova i get keksoz, nou pou obeir li dan tou laspe nou lavi, akoz nou pou vreman anvi fer li plezir.—Prov. 27:11; 1 Zan 5:3.
3.Akoz nou devret fer nou mye pour partisipe pandan letid sak semenn?
3 Annan sa determinasyon pour partisipe: Kan ou pe prepar ou liv, fer li avek sa lobzektif pour loue Zeova parmi son pep kan zot in rasanble ansanm. (Ebr. 13:15) Kongregasyon an antye pou etidye sa nouvo piblikasyon ansanm. Lefet ki sak semenn nou pa pou etidye en kantite lenformasyon, sa pou permet nou prepar o profon e i pou fer nou annan sa konfyans pour partaz sa ki nou’n aprann. Kan nou prepar byen e donn bann komanter ki presi e bref, sa pou pous lezot pour annan lanmour e fer sa ki byen. I pou osi fer ki letid pou eksitan e enformatif. (Ebr. 10:24) Deplis, nou pou ganny plis lazwa kan nou personnelman eksprim nou lafwa par bann komanter.
4.Akoz i sitan enportan ki nou obeir komannman Bondye?
4 Sa dernyen zour swar ki i ti pase lo later, Zezi ti fer resorti ki i neseser pour obeir komannman Zeova pour kapab reste dan lanmour Bondye. (Zan 15:10) Avek led sa liv “Lanmour Bondye,” nou pou pli determinen ki oparavan pour aplik bann prensip Labib dan nou lavi tou le zour e pour “reste dan lanmour Bondye.”—Zid 21.