Ki pour dir lo bann magazin

Watchtower 1 Mars

“I kapab pa fasil pour fer sa ki byen kan lezot i met presyon lo nou pour fer tou lekontrer. Kwa ki ou panse i kapab ed nou pour pa fer konpromi? [Les sa dimoun reponn. Apre lir Proverb 29:25.] Sa lartik byen itil i fer resorti senk rezon pour fer plezir Bondye plito ki zonm.” Montre sa lartik ki konmans lo paz 12.

Awake! Mars

“Nou tou nou kontan pour annan bann bon zanmi. Ki bann kalite ki ou apresye dan en zanmi? [Les sa dimoun reponn.] Remarke ki mannyer Labib i dekrir en bon zanmi. [Lir Proverb 17:17.] Dan sa lartik i annan bann sizesyon lo konman pour swazir bann bon zanmi e pour ou kapab vin en bon zanmi pour lezot.” Montre sa lartik ki konmans lo paz 18.

Watchtower 1 Avril

“Mon ti pou kontan ganny ou lopinyon lo sa ki Zezi ti dir. [Lir Zan 3:3.] Ki i vedir pour ne de nouvo? [Les sa dimoun reponn.] Ler nou konpran pli byen sa ki Zezi ti dir sa pou annan en lefe lo nou lavi ek ekspektasyon pour lavenir. Sa magazin i eksplike akoz.”

Awake! Avril

“I paret ki bokou zanfan ki al lekol i anba en kantite presyon. Eski ou krwar ki in annan sanzman depi lepok zot paran ziska ozordi? [Les sa dimoun reponn.] Tro bokou presyon i kapab annan en move lefe. [Lir Eklezyast 7:7a.] Sa magazin i diskit lo konman bann adilt i kapab ed bann zenn pour fer fas avek presyon.”