Ki pour dir lo bann magazin

Watchtower 1 Desanm

“Pandan sa letan dan lannen, bokou dimoun i fer en pti lakres ki reprezant sa ki sa resi Labib i dir. [Lir Matye 2:1, 11.] Eski ou’n remarke ki diferans i annan ant sa ki Labib i dir ti arive ek sa ki souvandfwa ganny reprezante dan sa bann pti lakres ki ganny fer? [Les sa dimoun reponn.] Sa lartik i diskit sa ki ti vreman arive.” Montre sa lartik ki konmans lo paz 31.

Awake! Desanm

“Mon ti a kontan konn ou lopinyon lo sa ki Zezi ti dir. [Lir Matye 5:3.] Vi ki i annan en kantite diferan larelizyon, eski ou krwar i enportan lafason nou satisfer nou bezwen spirityel? [Les sa dimoun reponn.] Sa lartik i montre nou ki Labib i dir lo lafason nou kapab trouv vre satisfaksyon spirityel.” Montre sa lartik ki konmans lo paz 12.

Watchtower 1 Zanvye

“I annan tou sort kalite lopinyon relizye konsernan si nou devret bwar lalkol. Ki pwennvi Bondye konsernan en dimoun ki bwar lalkol? [Les sa dimoun reponn.] Menm si Labib i dir ki Zezi ti fer en mirak par fer delo vin diven, i osi dir sa. [Lir Proverb 23:20a.] Sa magazin i montre ki Labib i annan en pwennvi balanse lo sa size.”

Awake! Zanvye

“Dan sa letan difisil ki nou pe viv ladan ozordi, bokou dimoun i santi zot epwize e anba en kantite presyon. Eski ou osi ou santi koumsa? [Les sa dimoun reponn.] Remark sa bon konsey ki Labib i donnen. [Lir Eklezyast 4:6.] Sa magazin i fer nou vwar ki mannyer nou kapab annan en lavi balanse an rapor avek nou fanmir, travay ek letan repo. I osi donn sizesyon pour bann ki pe rod en travay.”