Ki pour dir lo bann magazin

Watchtower 1 Zen

“Bokou dimoun i kontan refer avek oroskop avan zot fer en desizyon. Eski ou krwar ki bann zetwal i annan en lenfliyans lo nou lavi? [Les sa dimoun reponn.] I enteresan pour note ki Labib i fer referans lo bann zetwal zodyak. [Lir 2 Lerwa 23:5.] Sa lartik i donn pwennvi Labib lo sa size.” Montre sa lartik ki konmans lo paz 18.

Awake! Zen

“Serten legliz i vann bann lobze ki ganny servi dan ladorasyon oubyen zot fer dimoun pey pour bann servis parey maryaz, batenm ek lanterman. Eski ou krwar sa i en keksoz ki byen? [Les sa dimoun reponn.] Get sa lenstriksyon ki Zezi ti donn avek son bann disip. [Lir Matye 10:7, 8b.] Sa magazin i koz lo ki Labib i dir konsernan fer dimoun pey pour bann servis relizyez.” Montre sa lartik ki konmans lo paz 22.

Watchtower 1 Zilyet

“Bokou dimoun i refer avek sa enn Toupwisan senpleman konman Bondye. Eski ou ti konnen ki dan Labib i annan non Bondye? [Les sa dimoun reponn. Apre lir Izai 42:8a.] Sa magazin i eksplike akoz non Bondye in ganny tire dan serten tradiksyon Labib e akoz nou merit konn Bondye par son non.”

Awake! Zilyet

“Sityasyon lekonomi in fer bokou dimoun enkyet. Bann ki pa pe travay i anba presyon e bann ki pe travay i per pangar zot perdi zot louvraz. Eski ou krwar sa i en bon konsey pour ed nou fer fas avek sa sityasyon? [Lir Matye 6:34. Apre les sa dimoun reponn.] Sa magazin i donn bann pti konsey lo ki mannyer nou kapab balans nou bidze e kontrol nou lemosyon.”