“Pa per”

1. Ki defi ki nou kapab fer fas avek parey dan ka Zeremi?

¹ Zeremi ti santi ki i pa ti ase kalifye kan i ti ganny demande pour profetize. Me Zeova ti reasir li par dir, “pa per,” e zantiman i ti donn li lafors pour li kapab akonplir son latas. (Zer. 1:6-10) Dan nou letan, lakanmizri oubyen mank konfidans i kapab diminyen nou partisipasyon dan predikasyon. Lafreyer lo konman dimoun pou reazir oubyen vwar nou i parfwa osi kapab anpes nou rann en temwannyaz. Ki mannyer nou kapab fer fas avek sa bann lafreyer? Ki benediksyon ki nou pou gannyen personnelman?

2. Dan ki fason bon preparasyon i kapab diminyen serten sa lafreyer ki nou annan konsernan predikasyon?

² Prepar davans: Bon preparasyon i kapab ed nou pour diminyen en pe sa lafreyer ki nou annan. Par egzanp, si nou revwar serten sa bann keksoz ki nou kapab dir pour sirmont en lobzeksyon, nou pou pare pour sirmont zot. (Prov. 15:28) Akoz ou pa fer bann legzersis pandan Ladorasyon an Fanmir pour ou met pare pour bann diferan defi ki ou kapab fer fas avek kot lekol oubyen dan predikasyon?—1 Pyer 3:15.

3. Ki mannyer konfyans dan Zeova i ed nou pour fer fas avek lafreyer?

³ Met ou konfyans dan Zeova: En remed ki definitivman pou anpes ou per se depan lo nou Bondye. Zeova in garanti nou ki i pou ed nou. (Iza. 41:10-13) Sa i pli gran sekirite ki nou kapab gannyen. Deplis, Zezi ti asir nou ki menm si nou vwar nou dan bann sityasyon ki nou pa ti pe ekspekte, lespri sen Bondye pou ed nou pour rann temwannyaz dan en bon fason. (Mark 13:11) Alor, demann Zeova son lespri sen regilyerman.—Lik 11:13.

4. Ki benediksyon ki nou pou gannyen si nou kontinyen persevere dan predikasyon?

⁴ Benediksyon: Anmezir ki nou persevere dan predikasyon malgre bann defi, sa pou donn nou lafors pour fer fas avek bann difikilte dan en fason efikas. Lespri sen pou ed nou devlop kouraz ek lardyes. (Akt 4:31) Deplis, anmezir ki nou fer fas avek nou lafreyer atraver led Zeova, nou lafwa pou vin pli solid e nou pou annan plis konfyans dan son lebra for. (Iza. 33:2) Nou pou eksperyans lazwa ek satisfaksyon akoz nou konnen ki nou pe fer plezir nou Papa ki dan lesyel. (1 Pyer 4:13, 14) Alor, annou pa per pour anons sa mesaz lo Rwayonm avek lardyes e touzour annan konfyans ki nou pou ganny led Zeova!