Ki pour dir lo bann magazin

Watchtower 1 Desanm

“Eski ou pou dakor avek mwan ki sityasyon bann fanmir kot i annan zis en paran tousel i pli difisil ki pour bann kot i annan de paran? [Les sa dimoun reponn.] Labib i ankouraz nou pour pran konsiderasyon pour bann ki dan sityasyon difisil. [Lir Psonm 41:1.] Sa lartik ki konmans lo paz 22 i eksplike ki mannyer nou kapab pran konsiderasyon pour bann paran tousel.”

Awake! Desanm

“Bokou dimoun in poz zot lekor sa kestyon: ‘Si vre i annan en Bondye, akoz i pa detrir Dyab?’ Eski ou’n deza mazin lo la? [Les sa dimoun reponn.] Sa lartik lo paz 10 ek 11 i servi Labib pour reponn sa kestyon. I osi dir nou ki mannyer lemonn pou ete kan Dyab pou nepli egziste.” Lir Revelasyon 21:3, 4.

Watchtower 1 Zanvye

“Bokou dimoun i krwar ki zarden Edenn i en lezann. Eski ou pou sirprann pour konnen ki Zezi ti koz lo Adan ek Ev konman de dimoun ki ti vreman egziste? [Les sa dimoun reponn. Apre lir Matye 19:4-6.] Sa magazin i reponn serten kestyon ki dimoun i kontan demann zot lekor lo zarden Edenn.”

Awake! Zanvye

Montre lapo sa magazin e demann sa kestyon: “Ki mannyer ou ti pou reponn sa kestyon? [Les sa dimoun reponn.] Labib i ankouraz dimoun pour viv anpe. [Lir Zak 3:17.] Me pourtan, akoz larelizyon pa’n zanmen kapab fer limanite ini ansanm? Eski larelizyon pou kapab anmenn lape en zour? Sa magazin i diskit larepons sa bann kestyon.”