‘Bearing Thorough Witness’ About God’s Kingdom
1. Ki nou pou etidye dan Letid Labib Kongregasyon konmansman semenn le 14 Mars?
1 Konmansman semenn le 14 Mars 2011, nou pou etidye sa liv “Bearing Thorough Witness” About God’s Kingdom dan Letid Labib Kongregasyon. Sa piblikasyon i baze lo liv Akt e i’n ganny ekrir dan en fason ki sa lekter i kapab santi sa leksitasyon anmezir bann levennman ki ganny rikorde ladan i arive. Sa liv Bearing Witness pa pe fer en rezimen lo sak verse, me i egzamin bann leson ki nou kapab tire dan liv Akt e i ed nou vwar ki mannyer nou kapab aplik zot personnelman.—Rom. 15:4.
2. Dekrir serten laspe enteresan dan sa liv Bearing Witness.
2 Diferan laspe sa liv: I annan en zoli let sorti kot Konsey Direkter dan son lentrodiksyon lo paz 2 kot zot eksprim zot santiman lo ki mannyer zot anvi sa piblikasyon i benefisye nou. Depi konmansman sapit 2, i annan en fraz ki endik pwen prensipal dan sak sapit e osi referans sa porsyon dan liv Akt ki pou ganny diskite. Dan plizyer sapit i annan bann bwat ki annan lenformasyon konsernan bann dimoun, pei oubyen levennman. Sa lespas lo kote bann paz i pour nou ekrir bann not. Dan sa liv i annan bann portre byen detaye lo bann senn dan letan lontan pour ed nou kapab vwar sa bann levennman enportan dan nou lespri. Lo dernyen paz i annan en lendeks ki eksplik sa ki pe arive dan diferan portre. Anndan lo sa de lapo devan ek deryer sa liv, i annan en map ki ed nou vwar progre bann adorater Bondye dan premye syek ler zot ti konmans pres sa bon nouvel “ziska tou bann landrwa pli elwannyen lo later.”—Akt 1:8.
3. Ki kestyon enportan ki pou ganny reponn dan nou letid baze lo liv Akt?
3 Larepons bann kestyon enportan: Nou letid lo liv Akt pou ed nou konpran klerman larepons bann kestyon enportan lo minister bann Kretyen. Par egzanp: Ki travay ek mesaz ki idantifye bann vre disip Zezi Kri? Lekel ki diriz sa travay predikasyon dan lemonn antye e ki mannyer sa i ganny fer? Ler zot fer fas avek persekisyon ek lopozisyon, ki loportinite bann proklanmater i gannyen? Ki rol lespri sen i zwe dan sa travay predikasyon?
4. Ki mannyer nou kapab benefisye o maksimonm atraver letid dan sa liv?
4 Pour nou kapab benefisye o maksimonm, nou devret etidye sa bann lenformasyon davans e prepar li dan en fason kot nou pou kapab partisipe dan sa letid dan renyon. Fer sir ki ou asiste sak renyon e reflesir lo konman ou pou kapab personnelman aplik bann leson ki ou aprann dan ou minister. Annou les sa liv tre enteresan motiv nou pour rann temwannyaz plennman konsernan Rwayonm Bondye!—Akt 28:23.