Ki pour dir lo bann magazin

The Watchtower 1 Mars

“Dimoun i annan diferan lopinyon lo Zezi. Eski pour ou, i garson Bondye oubyen i zis en bon dimoun?” Les sa dimoun reponn. Apre lir avek li larepons enn sa bann kestyon an gro lekritir nwanr lo paz 16-17 e en verse Labib ki’n ganny site. Ofer sa magazin e fer laranzman pour retournen pour reponn en lot kestyon.

Awake! Mars

Si ou zwenn en zenn montre li sa lartik ki konmans lo paz 26. Montre li sa premyer soutit e demann li: “Ki ou panse, eski sa ki pe ganny dir la i vre oubyen i fo? [Les sa dimoun reponn. Apre lir 2 Korentyen 7:1.] Sa lartik i diskit lo sa ki nou bezwen konnen lo fimen e osi ki mannyer pour arete.”

The Watchtower 1 Avril

“Bokou dimoun i annan diferan pwennvi lo Zezi. Eski ou krwar ki i enportan pour konn laverite lo li? [Les sa dimoun reponn. Apre lir Zan 17:3.] Sa magazin i eksplik sa ki Labib i dir lo Zezi, par egzanp kote i ti sorti, ki mannyer i ti viv e akoz i ti mor.”

Awake! Avril

“Eski ou dakor ki perdi en dimoun ki nou kontan dan lanmor i enn parmi bann keksoz pli difisil pour en dimoun fer fas avek? [Les sa dimoun reponn.] Sa konsey in ed bokou dimoun. [Lir Psonm 55:22.] Sa magazin i diskit lo serten keksoz pratik ki pou kapab ed en dimoun fer fas avek sagrinasyon e osi konman i kapab zet son fardo lo Bondye.”