Prezantasyon

Pour konmans letid Labib premye wikenn Desanm

“Mon asire ki ou pou dakor avek mwan ki tou dimoun i bezwen en zanmi. Ki kalite ki pli enportan pour ou dan en zanmi? [Les sa dimoun reponn.] Remark sa ki sa magazin i dir lo akoz nou devret swazir byen nou zanmi.” Donn sa dimoun en kopi Latour Veyer le 1 Desanm an Angle. Lir e diskit sa lenformasyon ki anba sa premye soutit lo paz 16. Lir omwen en verse Labib. Ofer sa magazin e fer laranzman pour retournen pour reponn sa lot kestyon ki swiv.

The Watchtower 1 Desanm

“Eski ou’n deza demann ou lekor akoz i annan sitan en kantite dezas natirel tou dernyenman? [Les sa dimoun reponn.] I enteresan pour note ki Labib ti predir ki i pou annan en letan ki pou ranpli avek bann dezas. [Lir Matye 24:7, 8.] Sa magazin i reponn sa bann kestyon swivan: Akoz i annan sitan en kantite dezas natirel ozordi? Eski sa i en pinisyon sorti kot Bondye? Ki rezon nou annan pour krwar ki tre byento Bondye pou met en lafen avek bann dezas natirel?”

Awake! Desanm

Lir 2 Timote 3:16. Apre dir: “I annan dimoun ki krwar ki Labib in ganny enspire par Bondye, me i annan serten ki pa krwar. Ki ou panse? [Les sa dimoun reponn.] Menm si i annan plizyer lopinyon lo sa kestyon, laplipar dimoun i dakor ki serten dimoun in esey tou sa ki zot ti kapab pour detrir sa liv. Sa magazin i dekrir serten sa bann zefor ki sa bann dimoun in fer diran tou sa bann syek ki’n pase pour detrir Labib e pour anpes dimoun lir li. I osi eksplike akoz Labib in sirviv ziska nou letan.”