The Wonders of Creation Reveal God’s Glory
Bokou nou nou kontan admir kreasyon. Me pa bokou ki realize ki kreasyon i revel en kantite lo fason panse ek santiman nou Gran Kreater. (Rom. 1:20) En kantite letan pase, David ti aprann konn Zeova atraver Son parol enspire. Me i ti osi “vwar” e vin pli pros avek Zeova gras a Son kreasyon. (Ps. 8:3, 4) Sa video ki annan pour tit The Wonders of Creation Reveal God’s Glory i kapab ed nou, nou zanfan ek nou bann etidyan Labib pour port en pli gran latansyon lo serten laspe kreasyon Zeova. I ed nou pour egzamin bann kalite ek personnalite nou Gran Kreater e dan sa fason nou vin pli pros avek li. Apre ki ou’n get sa video, vwar si ou kapab reponn sa bann kestyon swivan.
(1) Dan ki fason grander ek lord dan liniver i fer nou apresye Zeova plis ankor? (Iza. 40:26) (2) Kan nou egzamin delo, ki nou kapab aprann lo Bondye? (Rev. 14:7) (3) Ki mannyer groser ek zistans ant later ek soley i demontre lasazes Zeova? (4) Akoz lalin i la? (Ps. 89:37) (5) Dan ki fason Zeova in kre imen dan en fason ki zot rezwir lavi? (6) Ki si sa DNA? (Ps. 139:16) (7) Dan tou sa ki Zeova in kree lo later, dan ki fason imen i diferan? (Zen. 1:26) (8) Kwa ki ou pe esper avek enpasyans dan nouvo lemonn?
Lezot pwen: (9) Kwa ki fer bann keksoz annan kouler? (10) Dan ki fason delo i ariv dan leker en pye dibwa? (11) Ki rol delo i zwe dan nou lekor? (12) Donn legzanp sa larmoni ki egziste ant bann keksoz vivan. (13) Ki mannyer bann diferan zannimo i konnen konman pour asosye avek lezot zannimo? (14) Ki si sa “golden angle” e kot nou trouv li dan kreasyon?
“Get” byen kreasyon Zeova: Zezi ti ankouraz nou pour “get bann zwazo ki anvole dan lezer” e “gete ki fason bann lis maron i pouse.” (Mat. 6:26, 28) Si nou fer sa, nou lafwa pou ranforsi e nou pou annan plis konfyans dan nou Kreater. Nou pou annan plis lapresyasyon pour lasazes Zeova, son abilite pour sov son pep e son lanmour. Olye les nou ganny distrer avek bann travay sa lemonn, annou pran letan e fer zefor pour get byen bann travay merveye Zeova dan kreasyon e medit lo sa ki i dir nou lo nou Gran Kreater.—Ps. 19:1.