Prezantasyon

Pour konmans letid Labib premye wikenn Out

“Konmela, dimoun i souvan mazin Zezi parey i ti ete de mil an pase, swa konman en pti baba dan loz oubyen konman en zonm kloute lo en bout dibwa. Me, ki ou panse Zezi pe fer la konmela? [Les sa dimoun reponn.] Remarke ki sa i dir.” Donn sa met lakour Latour Veyer le 1 Out an Angle e ansanm egzamin sa lenformasyon anba sa premye soutit lo paz 16 ek omwen en verse Labib. Ofer bann magazin e fer laranzman pour retournen pour diskit sa lot kestyon ki swiv.

The Watchtower 1 Out

“I annan en kantite dimoun ki krwar dan mirak, me i annan serten ki doute si sa i posib. Eski ou krwar ki mirak i vreman arive? [Les sa dimoun reponn.] Sa promes ki i pou annan mirak a lavenir in donn bokou dimoun en lespwar. [Lir enn parmi sa bann verse lo paz 9-10.] Sa magazin i donn larepons trwa kestyon lo mirak ki bokou i demande.”

Awake! Out

“Konmela, bokou dimoun i per pour mars tousel sirtou aswar. Eski ou krwar ki i annan kek keksoz ki kapab ganny fer pour ki i annan mwens vyolans dan sa lemonn? [Les sa dimoun reponn.] Sa magazin i montre nou serten keksoz ki nou tou nou kapab fer pour viv pli anpe avek lezot. I osi koz lo konman sa profesi byen ankourazan pou ganny akonplir.” Lir Psonm 72:7.