Prezantasyon

Pour konmans letid Labib premye wikenn Zilyet

“Laplipar dimoun dan nou kominote ti pou kontan viv lontan e ere. Alor, nou ti a kontan konn ou lopinyon lo sa kestyon: Eski ou krwar ki lasyans ek medsin pou arive ed nou viv pour touzour en zour? [Les sa dimoun reponn.] Get sa ki ganny dir la.” Montre dernyen paz Latour Veyer le 1 Zilyet an Angle e vwar ansanm sa premye kestyon e lir omwen en verse Labib. Ofer bann magazin e fer laranzman pour retournen e diskit sa lot kestyon ki swiv.

Not: Demonstrasyon pour sa prezantasyon i devret ganny fer pandan renyon predikasyon premye wikenn Zilyet.

The Watchtower 1 Zilyet

“Laplipar dimoun nou koz avek i annan zot prop larelizyon. Me lezot i dir ki zot in perdi konfyans dan larelizyon an zeneral. Ki mannyer ou santi anver larelizyon? [Les sa dimoun reponn.] Zezi ti dir ki nou devret fer pour idantifye sa vre larelizyon. [Lir Lik 6:44a.] Sa magazin i koz lo serten move fri ki larelizyon in prodwir. I osi reponn sa kestyon, Eski i annan en larelizyon ki nou kapab annan konfyans ladan?”

Awake! Zilyet

“Nou pe vizit nou bann vwazen pour koz lo lenzistis ki en gro problenm. Serten i fer bann protestasyon akoz lenzistis. Eski ou krwar ki dimoun ki proteste pou reisi kapab anmenn sanzman? [Les sa dimoun reponn.] Remarke kwa ki Labib i dir pou anmenn en vre sanzman lo later. [Lir Matye 6:9, 10.] Sa magazin i reponn sa kestyon, Eski protestasyon i sa bon keksoz pour fer?”

Bon nouvel sorti kot Bondye!

“Nou pe vizit bann fanmir dan ou teritwar pour koz avek zot lo en panse enteresan sorti dan Labib. Bokou parmi bann ki nou’n koz avek i demann zot lekor akoz ki en Bondye lanmour i les sa kantite soufrans dan lemonn arive. Eski ou krwar ki soufrans ti form parti plan Bondye pour later?” Les sa dimoun reponn. Apre, vir lo Leson 5, lir e diskit sa de premye paragraf ek bann verse ki an italik. Ofer sa brosir e fer laranzman pour retournen pour egzamin sa lot kestyon ki dan gro lekritir nwanr.