Partaz “bann bon keksoz” par demontre lospitalite (Mat. 12:35a)

San dout nou tou nou anvi partaz “bann bon keksoz” avek lezot par “pratik lospitalite.” (Rom. 12:13) Bann ansyen i fer laranzman pour ki lospitalite i ganny demontre anver bann orater viziter e pour ki zot depans transpor i ganny ranbourse. Par kont, nou kapab ezite pour demontre lospitalite akoz nou mwayen pa permet oubyen nou santi nou zennen pour envit lezot kot nou. Ler nou pran aker konsey ki Zezi ti donn avek Mart, sa i kapab ed nou pour sirmont bann santiman parey. (Lik 10:39-42) I ti fer resorti ki sa “meyer par” pour demontre lospitalite, i sa lasosyasyon frer ek ser ek lankourazman ki nou gannyen, me pa pour prepar en ta manze oubyen fer ou lakour tro ekstravagan. Ler nou aplik sa konsey nou tou nou kapab partaz sa “bann bon keksoz” avek nou bann frer parey Parol Bondye i dir nou.​—3 Zan 5-8.