Servi byen pwisans Parol Bondye dan ou minister
Kan en dimoun i permet nou partaz sa bon nouvel avek li, nou sezi sa loportinite e servi byen sa pwisans Parol Bondye par lir bann verse direkteman dan Labib. Lanfaz ti ganny mete lo sa pwen pandan lasanble spesyal 2013. Sirveyan rezyonal ti donn en diskour ki ti annan pour tit “Servi byen pwisans Parol Bondye dan ou minister.” Eski ou rapel bann pwen kle?
Akoz Parol Zeova i pli pwisan ki nou parol?—2 Tim. 3:16, 17.
Ki mannyer Labib i tous nou leker, enfliyans nou fason panse, rafin nou motivasyon e motiv nou bann aksyon?—Vwar Latour Veyer le 1 Zen 2012 paz 30 paragraf 7.
Kan nou lir en verse Labib avek en dimoun dan predikasyon, ki mannyer nou kapab port latansyon lo Parol Bondye dan en fason ki pou ed sa dimoun annan respe pour Labib?—Vwar liv Lekol Minister paz 148 paragraf 3-4 ek Nou Minister Rwayonm Mars 2013 paz 6 paragraf 8.
Akoz i enportan ki nou eksplik e rezonn lo bann verse ki nou lir e ki mannyer nou kapab fer sa?—Akt 17:2, 3; vwar liv Lekol Minister paz 154 paragraf 4 ziska paz 156 paragraf 4.