Prezantasyon

Latour Veyer Novanm-Desanm

“Nou pe montre tou dimoun dan vwazinaz sa nimero Latour Veyer ki vreman enteresan. [Montre kouvertir sa magazin.] Serten dimoun i krwar ki lapriyer i zis en gat letan e ki personn pa pe ekoute. Lezot i krwar ki Bondye i ekout zot lapriyer. Ki ou pwennvi? [Les sa dimoun reponn.] Remark sa ki Labib i dir konsernan lapriyer. [Lir Izai 30:19.] Sa magazin i donn laprev ki Bondye i ekout e reponn bann lapriyer ki ganny fer dan sa bon fason e pour sa bon rezon.”

The Watchtower 1 Desanm

“Nou pe fer en pti vizit pour eklersi en move pwennvi ki bokou dimoun i annan lo Labib. Laplipar dimoun i respekte Labib, me zot krwar ki i tro difisil pour konpran. Ki mannyer ou santi anver Labib? [Les sa dimoun reponn.] La en rezon akoz nou bezwen enterese pour konpran Labib. [Lir Romen 15:4.] Sa magazin i eksplike ki mannyer nou konnen ki Labib in ganny ekrir pour nou konpran. I osi donn serten sizesyon pour konpran li.”

Awake! Desanm

“Nou pe rann ou en pti vizit konman en servis piblik pour bann fanmir. Tou dimoun i anvi ki i annan lape ek larmoni kot zot lakour. Dapre ou kwa ki pli rezonnab pour en fanmir, esey evit tou dezakor oubyen aprann ki mannyer pour rezourd sa bann dezakor dan sa pli bon fason? [Les sa dimoun reponn.] Remarke ki sa proverb dan Labib i dir. [Lir Proverb 26:20.] Sa magazin i met lanfaz lo serten konsey pratik dan Labib pour ed bann fanmir annan plis lape kot zot lakour.”