Nou Kreater ki kontan nou i enterese avek nou

1. NOU KREATER I FER SOLEY LEVE

I pa posib pour annan lavi lo later san soley. Soley i donn lenerzi bann plant pour ganny zot fey, fler, fri ek lagrenn. I osi fer bann plant pran delo sorti dan later atraver zot rasin pour anmenn kot zot fey. Apre sa delo i evapore dan ler.

2. NOU KREATER I FER LAPLI TONBE

Bondye in donn nou lapli ki ed later prodwir nouritir pour nou manze. I fer lapli tonbe sorti dan lesyel e donn nou bann bon rekolt dapre sezon. Sa i fer ki nou ganny dekwa manze ki fer nou zwaye.

3. NOU KREATER I DONN NOU MANZE EK LENZ

Bokou papa i enkyet lo ki mannyer pour ganny ase manze ek lenz pour zot fanmir. Remarke ki Labib i dir: “Get byen bann zwazo dan lesyel, zot pa senm lagrenn, ni rekolte, ni anmas dan stor, pourtan zot Papa dan lesyel i donn zot manze. Pa zot annan plis valer ki sa bann zwazo?”​—Matye 6:25, 26.

“Pran legzanp lo lafason ki bann lis maron i pouse, . . . me mon dir zot ki menm Salomon dan tou son laglwar pa ti abiye parey enn sa bann lis. Aprezan, si se koumsa ki Bondye i abiy bann fler maron . . . , pa i pou pli kontan abiy zot?”​—Matye 6:28-30.

Vi ki Bondye i kapab donn nou manze ek lenz, nou kapab asire ki i pou ed nou ganny sa ki nou bezwen pour viv. Si nou fer son lavolonte, i pou beni zefor ki nou fer si nou plante pour ganny manze oubyen i kapab ed nou ganny en travay pour nou aste sa ki nou bezwen.​—Matye 6:32, 33.

Nou annan bon rezon pour kontan Bondye ler nou mazin lo soley, lapli, zwazo ek fler. Sa lartik ki swiv pou diskit lo lafason ki Bondye in koz avek imen.