VIV KONMAN EN KRETYEN
Vin en dimoun ki etidye Labib o profon
Eski ou ti a kontan reste fidel si ou ganny persekite parey Danyel? Danyel ti etidye Parol Bondye. I ti menm fer letid o profon lo bann profesi. (Da 9:2) Ler ou etidye Labib o profon, sa i kapab ed ou pour reste fidel. Ki mannyer? I kapab fer ou annan plis lafwa ki bann promes Zeova pou vin vre. (Zoz 23:14) I kapab osi ed ou devlop plis lanmour pour Zeova e sa pou motiv ou pour fer sa ki byen. (Ps 97:10) Me ki mannyer ou pou kapab konmans etidye Labib o profon? Annou vwar sa bann sizesyon swivan.
Ki mon pou etidye? En bon progranm letid i enkli preparasyon pour renyon. Ou kapab pli benefisye si ou fer resers lo bann pwen ki ou pa konpran dan lektir Labib pour lasemenn. I annan serten dimoun ki’n swazir pour etidye bann profesi Labib, bann laspe fri lespri sen, bann vwayaz misyonner ki zapot Pol ti fer oubyen lo kreasyon Zeova. Si ou mazin en kestyon lo Labib pandan lazournen, ou kapab ekri li e apre fer resers lo la dan ou prosenn letid.
Kote mon kapab trouv lenformasyon? Get sa video Research Tools for Discovering Spiritual Treasures pour ganny serten sizesyon. Konman en legzanp, fer resers lo sa bann gouvernman ki ganny reprezante par sa bann bebet dan Danyel sapit 7.
Ki kantite letan mon devret pran pour fer letid? Letid Labib regilye i vreman enportan. Ou kapab konmans par fer en ptigin letan e gradyelman ogmant lakantite letan ki ou fer. Letid Labib i parey ler ou pe rod bann trezor kasyet, pli ou dekouver bann trezor pli ou pou anvi kontinyen rode. (Pr 2:3-6) Ou pou toultan anvi lir Parol Bondye e sa pou form parti ou progranm spirityel tou dilon ou lavi.—1Pyr 2:2.
KI SA BANN BEBET DAN DANYEL SAPIT 7 I REPREZANTE?
LEZOT KESTYON:
Ki mannyer Danyel 7:8, 24 ti ganny akonplir?
LOT PROZE:
Ki sa bann bebet dan Revelasyon sapit 13 i reprezante?