“Kontinyen veye”

25:1-12

Menm si legzanp Zezi konsernan sa dis vyerz ti pour bann Kretyen swazir, son mesaz i kapab benefisye tou Kretyen. (w15 15/3 12-16) “Alor, kontinyen veye akoz zot pa konn ni zour ni ler.” (Mt 25:13) Eski ou kapab eksplik legzanp Zezi konsernan sa dis vyerz?

• Nouvo marye (verse 1)​—Zezi

• Vyerz pridan ki ti pare (verse 2)​—Bann Kretyen swazir ki’n pare pour fidelman desarz zot responsabilite e ki parey bann lalimyer ki pe briye ziska lafen i arive (Fil 2:15)

• Sa kriye: “Gete, la nouvo marye!” (verse 6)​—Levidans ki Zezi pe dirize dan Rwayonm Bondye

• Vyerz bet (verse 8)​—Bann Kretyen swazir ki al zwenn Nouvo marye me ki pa reste fidel e ki pa kontinyen veye

• Bann vyerz pridan i refize partaz zot delwil (verse 9)​—Apre sa dernyen sele, i pou tro tar pour bann Kretyen swazir fidel ed bann ki pa’n reste fidel

• “Nouvo marye ti vini” (verse 10)​—Zezi i vini ver lafen gran ladetres pour ziz sa move lemonn

• Bann vyerz pridan i al avek nouvo marye kot resepsyon maryaz e laport i ganny fermen (verse 10)​—Zezi i rasanble bann Kretyen swazir fidel pour al dan lesyel me bann ki pa’n reste fidel i perdi sa loportinite