BANN TREZOR DAN PAROL BONDYE | MARK 3-4
Zezi ti geri en zonm zour Saba
Akoz Zezi ti tris ler i ti vwar latitid ki bann sef relizye Zwif ti annan? Parski zot ti fer zour Saba vin en fardo par azout bann lalwa sever ki pa neseser. Par egzanp, ni menm en pis ou pa ti kapab touye zour Saba. Ou ti kapab geri en dimoun selman si son lavi ti an danze. Sa i vedir ki i ti kont lalwa pour remet lezo en dimoun dan son plas oubyen met en bann lo lipye en dimoun ki’n foul son lipye zour Saba. I kler ki bann sef relizye pa ti vreman enterese avek sa zonm ki son kote lanmen ti paralize.